फिरवू नको पहाट

वहीचे पान कोरे

शब्दांची बघते वाट ।

मनात विचार शून्य

भावनांची कुठे गाठ ।

उभ्या आडव्या रेषा

वाकले कुणी ताठ ।

संवाद मुक झाला

भरले डोळ्यांचे काठ ।

प्रवास नाही सोपा

सरळ जरी ही वाट ।

बघ वळून तू मागे

फिरवू नकोस पाठ ।

Sanjay R.

विरह

वळून मागे एक क्षण 

तू तर बघतच नाही ।

विचार मनात तुझाच

का कसा जात नाही ।

आली आठवण की

डोळ्यापुढून जात नाही ।

शोधतो भिरभिर तुला

कुठेच मला दिसत नाही ।

करू काय आठवणींचे

निघता ती निघत नाही ।

उठ बस तुझीच चाहूल

पापणीही हलत नाही ।

तहानभूक हरली आता

कशात मन लागत नाही ।

तुझ्याविना तर शून्य सारे

आता जगावे वाटत नाही ।

Sanjay R.

शब्दांचे बोल

फक्त चार शब्दांचे बोल

असावा त्यातही स्नेह ।

फुलते मनाची पाकळी

झुलतो अवघाचि देह !

Sanjay R.

प्रतिबिंब

प्रतिबिंब चंद्राचे 

दुधात जेव्हा पडले ।

अमृत झाले दूध

मन चंद्रावर जडले ।

Sanjay R.

कोजागिरीचा चंद्र

पौर्णिमेच्या चंद्राचे
मनमोहक ते रूप ।
कोजागिरीच्या रात्री
आठवते तूच खूप ।

भरलेल्या दुधाचा
हाती येताच प्याला ।
दिसे रूप तुझे त्यात
हवा आरसा कशाला ।

मधुर गोडवा अमृताचा
तृप्त होते त्यात मन ।
तीच साखर ओठातली
आठवतात क्षण क्षण ।
Sanjay R.