श्रध्दांजली टाटांना

झाला अस्त सूर्याचा

अखंड ज्योत लावून ।

प्रगतीचे ध्येय त्याचे

देश निघाला न्हाऊन ।

आपलेसे केले जगाला

मदतीला जाई धाऊन ।

लक्षावधिंचा तो रतन

गेला साधेपणात राहून ।

करून टाटा तुम्ही गेलेत

आठवणीच आता ठेवून ।

Sanjay R.

फेअर अनफेअर अफेअर

काय कसले फेअर

कशा कशाचे अफेअर  ।

भाव श्रद्धा असेल तर

नाहीच काही अनफेअर ।

फक्त हवी थोडी केअर

उचला थोडासा शेअर  ।

घडते कधी तरी रेअर

करावेच लागेल बेअर  ।

नकाच बघू आता देअर

चढेल फक्त एकच लेअर ।

चिकटून बसा एकदाचे

सांगा जाईल कुठे चेअर ।

Sanjay R.

असाही एक बंध

मन जुळले नी प्रेम जडले

हा एकच असा बंध ।

मोगाऱ्याला यावा बहर

दरवळावा दूर सुगंध ।

मनात मग आठवणींचा पूर

त्यातच होते धुंद ।

सारखे छळतात विचार

हा वेगळाच छंद ।

हळूहळू सुटतात धागे

सैल होतो बंध ।

गुलाब मोगरा सुकलेला

नसतो कशाचा गंध ।

परत सतावतात आठवणी

होते दरिही रुंद ।

एक सूर्य तर दुसरा चंद्र

सरला असतो आनंद ।

Sanjay R.

घे झेप आकाशी

घे झेप आकाशी

पसर थोडे पंख ।

सांभाळ तू जरासे

संकट इथे असंख्य ।

कुणास म्हणू दे काही

नको म्हणू आपला ।

मोहमाया इथे अपार

त्यात माणूस संपला । 

नको द्वेष कुणाचा

नको प्रेमाचा लळा ।

ओळख तू मयाजाळ

बरेच कापणारे गळा ।

आकाश जरी निरभ्र

क्षणात पडतात सरी ।

दिसेल तसेच नसते

समोर अदृश्य ती दरी ।

Sanjay R.

नवरात्री

नवरात्रीचे ते नऊ दिवस
करतात कुणी देवीला नवस ।
मिरवायचे असते सजून धजून
वाट बघतात संपूर्ण वरस ।

रंगांचेही महत्व किती ते
रोज रंग वेगळा बदलतील ।
मेकअप पोशाख नवा नवा
त्यातच स्वतः ला हरवतील ।

गरभा दांडिया लेझिम झिम्मा
नवरात्रीची मज्जाच वेगळी ।
सेल्फी फोटो बघा जरासे
उत्साहातच दिसतील सगळी ।
Sanjay R.