झाला दसरा आता
लागले दिवाळीचे वेध ।
खर्चाचा पहाड पुढे
खिशाला तर मोठे छेद ।
चिवडा शेव लाडू गुलाबजाम
चकलीचेही तोंड वाकडे ।
बायकोला पहिजे नवीन साडी
मुलांनाही हवेच कपडे ।
फटाके रांगोळी आकाश दिवा
घराला रंगही नवा नवा ।
इथे पगार नाही बोनस नाही
गुल झाली माझीच हवा ।
Sanjay R.
झाला अस्त सूर्याचा
अखंड ज्योत लावून ।
प्रगतीचे ध्येय त्याचे
देश निघाला न्हाऊन ।
आपलेसे केले जगाला
मदतीला जाई धाऊन ।
लक्षावधिंचा तो रतन
गेला साधेपणात राहून ।
करून टाटा तुम्ही गेलेत
आठवणीच आता ठेवून ।
Sanjay R.
काय कसले फेअर
कशा कशाचे अफेअर ।
भाव श्रद्धा असेल तर
नाहीच काही अनफेअर ।
फक्त हवी थोडी केअर
उचला थोडासा शेअर ।
घडते कधी तरी रेअर
करावेच लागेल बेअर ।
नकाच बघू आता देअर
चढेल फक्त एकच लेअर ।
चिकटून बसा एकदाचे
सांगा जाईल कुठे चेअर ।
Sanjay R.
मन जुळले नी प्रेम जडले
हा एकच असा बंध ।
मोगाऱ्याला यावा बहर
दरवळावा दूर सुगंध ।
मनात मग आठवणींचा पूर
त्यातच होते धुंद ।
सारखे छळतात विचार
हा वेगळाच छंद ।
हळूहळू सुटतात धागे
सैल होतो बंध ।
गुलाब मोगरा सुकलेला
नसतो कशाचा गंध ।
परत सतावतात आठवणी
होते दरिही रुंद ।
एक सूर्य तर दुसरा चंद्र
सरला असतो आनंद ।
Sanjay R.
घे झेप आकाशी
पसर थोडे पंख ।
सांभाळ तू जरासे
संकट इथे असंख्य ।
कुणास म्हणू दे काही
नको म्हणू आपला ।
मोहमाया इथे अपार
त्यात माणूस संपला ।
नको द्वेष कुणाचा
नको प्रेमाचा लळा ।
ओळख तू मयाजाळ
बरेच कापणारे गळा ।
आकाश जरी निरभ्र
क्षणात पडतात सरी ।
दिसेल तसेच नसते
समोर अदृश्य ती दरी ।
Sanjay R.
