विवाह हा कुठला नी
कशाचा हो करार ।
सुसंस्कृत लोकांचा
असा कसला विचार ।
आचार विचार नाही
तेच होतील लाचार ।
मूर्ख म्हणू या त्यांना
त्यांनाच हे स्वीकार ।
कौटुंबिक पद्धत ही
त्यात सारे सुविचार ।
सांगेल जो हा करार
करू त्यांचा धिक्कार ।
Sanjay R.
Tuesday, October 8, 2024
पडला आता विसर
दिवसा मागून दिवस गेले
पडला आता विसर ।
नको नको त्या आठवणी
झाल्या कशा धूसर ।
रोजच तर येतो दिवस नवा
असतो कुठला असर ।
सकाळ संध्याकाळ तेच ते
होतो कसातरी बसर ।
फुलही गेले सुकून आता
उरली कुठे कसर ।
भेद क्षणाचा की मनाचा कळेना
मी विसरलो तूही विसर ।
Sanjay R.
Sunday, October 6, 2024
प्रेमाचा हल्ला
अंतरी भावनांचा कल्ला
ह्रदयात प्रेमाचा हल्ला ।
वाट ही तू चालू नकोस
मनाचा अनमोल सल्ला ।
डोक्यात विचारांचे थैमान
क्षणो क्षणी हरपते भान ।
दूर दूर तू राहू नकोस
आठवण येता लागते ध्यान ।
होकार नकार दूर अजून
नजरेनेच तर टिपले बाण ।
करू करू मी काय करू
सांगा कुणी हो मी अजाण ।
Sanjay R.
निशा
कुठली पूर्व कुठली पश्चिम
सूर्यच ठरवितो आपली दिशा ।
तापून निघतो दिवसभर जेव्हा
निजवते घेऊन कुशीत निशा ।
Sanjay R.
Thursday, October 3, 2024
टी व्ही बंद पडला
आमचा टी व्ही बंद पडला
बातम्याच हो दिसत नाही ।
पिक्चर मालिका सारेच बंद
म्हणून कोणीच हसत नाही ।
सगळ्यांचा डोक्यावर हात
विचारही येतात काही बाही ।
सारेच बसलेत चिडी चूप
कोणीच कोणाशी बोलत नाही ।
मन झाले उदास किती
भूकही आताशा लागत नाही ।
वाट बघतोय डायनिंग टेबल
तासन् तास कोणी जेवत नाही ।
मेकॅनिक म्हणतो विकून टाका
नवीन शिवाय उपाय नाही ।
खिसा थोडा खालीच आहे
महागाईत तोही भरत नाही ।
लाडकी बहिण लाडका भाऊ
त्यांच्याशी पण जमत नाही ।
काय करू सांगा हो जरा
घरात कोणीच हसत नाही ।
Sanjay R.
Subscribe to:
Posts (Atom)