आमचा टी व्ही बंद पडला
बातम्याच हो दिसत नाही ।
पिक्चर मालिका सारेच बंद
म्हणून कोणीच हसत नाही ।
सगळ्यांचा डोक्यावर हात
विचारही येतात काही बाही ।
सारेच बसलेत चिडी चूप
कोणीच कोणाशी बोलत नाही ।
मन झाले उदास किती
भूकही आताशा लागत नाही ।
वाट बघतोय डायनिंग टेबल
तासन् तास कोणी जेवत नाही ।
मेकॅनिक म्हणतो विकून टाका
नवीन शिवाय उपाय नाही ।
खिसा थोडा खालीच आहे
महागाईत तोही भरत नाही ।
लाडकी बहिण लाडका भाऊ
त्यांच्याशी पण जमत नाही ।
काय करू सांगा हो जरा
घरात कोणीच हसत नाही ।
Sanjay R.
