दूर किती ती चांदणी
व्हावे तीनेही साजणी ।
गरीब बापाची ती लेक
दुनिया तिची विराणी ।
कसा खेळ हा नशिबाचा
काय कशाची निशाणी ।
गालात तिनेही हसावे
पुसून डोळ्यातले पाणी ।
मंत्र मुग्ध होतील सारे
ऐकुनी गोड तिची वाणी ।
हसत फुलत जगावे
होऊन तिने ही राणी ।
चांदोबाची रोजच ऐकतो
किती किती ती गाणी ।
ऐकावीशी वाटते आता
मज चांदणीची कहाणी ।
Sanjay R.
सांगतो तुमाले राजेहो
एका प्रेमाची कहाणी ।
प्रेम तिथं कमी आन
लय होती गाऱ्हाणी ।
भांडू भांडू त्यातले भौ
येळ कमी पडे ।
भांडण सरल्यावर कानी
दोघं बीन रडे ।
थो मने महा लयच चुकल
मी हावोच थोडा ताली ।
तुले बी काई समजत न्हाई
खीचतं तू वर खाली ।
यापुढ आता भांडाचं न्हाई
भांडण होते ते तुह्याच पाई ।
भाय गुस्सा आला तिले
मंग दात ओठ खाई ।
Sanjay R.
कशाला कुणाच्या पडतो मधात ।
उगाच घोर का लावतो मनात ।
येयील सारेच त्याचे ध्यानात ।
आपलेच उलटतील डाव क्षणात ।
देतील घाव ते तुझ्याच उरात ।
उरेल काय मग तुझ्याच घरात ।
Sanjay R.
