Friday, September 20, 2024
मन
असे कसे हे मन
सुटेना एकही क्षण ।
सारखे येतात विचार
येतो फिरून सारे रण ।
अस्वस्थ करून जातो
विचारांचा छोटा कण ।
होतात आघात डोईवर
जणू पडताहेत घण ।
भळभळ वाहते रक्त
दुःखाचा एकच व्रण ।
आसवेही येती डोळ्यात
दाटतो गळ्यात खण ।
फुलतो पिसारा जेव्हा
प्रफुल्लित होते मन ।
वाटतो बघावा थोडा
काढून मनाचा कण ।
Sanjay R.
Thursday, September 19, 2024
साजणी
दूर किती ती चांदणी
व्हावे तीनेही साजणी ।
गरीब बापाची ती लेक
दुनिया तिची विराणी ।
कसा खेळ हा नशिबाचा
काय कशाची निशाणी ।
गालात तिनेही हसावे
पुसून डोळ्यातले पाणी ।
मंत्र मुग्ध होतील सारे
ऐकुनी गोड तिची वाणी ।
हसत फुलत जगावे
होऊन तिने ही राणी ।
चांदोबाची रोजच ऐकतो
किती किती ती गाणी ।
ऐकावीशी वाटते आता
मज चांदणीची कहाणी ।
Sanjay R.
Wednesday, September 18, 2024
प्रेम कहाणी
सांगतो तुमाले राजेहो
एका प्रेमाची कहाणी ।
प्रेम तिथं कमी आन
लय होती गाऱ्हाणी ।
भांडू भांडू त्यातले भौ
येळ कमी पडे ।
भांडण सरल्यावर कानी
दोघं बीन रडे ।
थो मने महा लयच चुकल
मी हावोच थोडा ताली ।
तुले बी काई समजत न्हाई
खीचतं तू वर खाली ।
यापुढ आता भांडाचं न्हाई
भांडण होते ते तुह्याच पाई ।
भाय गुस्सा आला तिले
मंग दात ओठ खाई ।
Sanjay R.
Tuesday, September 17, 2024
Monday, September 16, 2024
पिढ्यांचा प्रवास
केव्हाच सरला तो काळ
पिढ्यानपिढ्या एकत्र राहायचे सारे ।
विभक्त कुटुंब पद्धती आली आणि
वेगळे राहायचे शिरले वारे ।
Sanjay R.
Subscribe to:
Posts (Atom)