गोपाळ

देवकीचे छोटे बाळ
यशोदा करी सांभाळ ।
ठुमकत ठुमकत चाले
पायी बंधूनिया चाळ ।
कृष्ण म्हणू की माधव
राधेचा तो गोपाळ ।
होतो अर्जुनाचा सारथी
करी पांडवांचा सांभाळ ।
घडले महाभारत ज्यात
झाला कौरवांचा काळ  ।
Sanjay R.

ओंजळ

तुझी ओंजळ सुखाची
भरली अशीच असू दे ।
आयुष्याला पुरेल सारे
साथ तुझी मज असू दे ।
Sanjay R.

थांब थांब तू जरा पावसा

नको वाटतो पाऊस आता
फिटली ना रे हाऊस आता ।
निरोप घे ना तू जरासा
येशील नंतर जाता जाता ।
रस्ते भरले नाल्या भरल्या
धरा ही थकली पिता पिता ।
पाणी पाणी चिखल सारा
होईल कसा तो असाच रीता ।
थांब थांब तू जरा पावसा
शेत पिकू दे आमचे आता ।
Sanjay R.

स्वातंत्र्याची लढाई

सरली आता लढाई

उरली फक्त चढाई ।

मिळाले ते स्वातंत्र्य

उरला स्वार्थाचा मंत्र ।

कुणी सत्तेचा लालसी

आम्ही बघे आळसी ।

माजली लूट अशी इथे

रक्त पिपसू जिथे तिथे ।

मोह मायाही सुटेना 

स्वार्थाची लकिर मिटेना ।

मी मीचा इथे कायदा 

दुसराच उचलतो फायदा ।

जगणे मरणे एक झाले 

डोळे इथे कुणाचे ओले ।

स्वातंत्र्याची ध्वजा उंच

अंधार खाली काळा कंच ।

संजय रोंघे, नागपूर

मोबाईल - 8380074730

वादळी झरा

निरंतर वाहे तो झरा
म्हणतो मी थांब जरा ।
सोबतीला आहे पाऊस
ओली चिंब झाली धरा ।

वाटतो लोटला काळ
सूर्यही दिसेना कुठे जरा ।
पावसानेही कहर केला
यंदाची ही वेगळीच तऱ्हा ।

शहारा शहरात झाले पाणी
रस्त्यावरून लोटल्या धारा ।
शेत मळेही तुडुंब भरले
दुःख बळीचे त्याला विचारा ।
Sanjay R.