थेंबे थबे भरतो सागर

थेंबे ठबे भरतो सागर

शोधू कुठे मी, मिळेना घागर ।
अफाट किती ही इथली गर्दी
अहोरात्र का होतो जागर ।
सुख दुःखाच्या वाटा इथल्या
क्षणात सरते, फिरतो नागर ।
कोण मी कुठला सांगा
प्रभू तुझा रे मीही चाकर ।
Sanjay R.

पंढरीचा वारकरी

पाई पाई करतो वारी
पंढरीचा तो वारकरी ।

अवघा आनंद मनी
पोचायचे त्याचे दारी ।

भाव भक्तीचा ठाई
चाले सोडून दिशा चारी ।

पुढे दिसे वाट पंढरीची
तहान भूक हरली सारी ।

प्राण ही हा तळमळला
वाट पाहतो हरी हरी ।

अंतरात वसतो पांडुरंग
बोला जय जय श्री हरी ।
Sanjay R.

काय मी करू

काय मी करू,

मनात आहे करायचे खूप

पण वेळच नाही मिळत ।

सगळे राही जागच्या जागी

मन मनाशीही नाही जुळत ।

Sanjay R.

नको नको तू म्हणू

नको नको तू म्हणू
होऊ दे मनासारखे ।

विरहा विना उरले काय
सारेच इथे तुझ्यासारखे ।

सगळ्यांना नाही मिळत
कुणी इथे प्रेमाला पारखे  ।

कुणास मिळते सारे पण
तेही विसरतात सारखे ।

मिळालेले जपावे थोडे
थोडे वेगळे, नसेल सारखे ।

आनंद असतो त्यातही
व्हावे आपणही तशा सारखे ।
Sanjay R.

थांब पावसा जरासा

येता पावसाची सर
आला सृष्टीला बहर ।

हिरवे झाले रान
भरे डोळ्यात छान ।

भरले नदी नाले तलाव
नी पोहू लागली नाव ।

फुलला किती आनंद
मनही झाले कसे धुंद ।

पाठ सोडीना आभाळ
घेतले रूप त्याने विक्राळ ।

पाणी पाणी पुर आला
घेऊन उत्साहच नेला ।

घरा घरातली कहाणी
सांगे डोळ्यातले पाणी ।

घर पाण्यात बुडाले ।
छत वाऱ्यासंगे उडाले ।

धरा दुःखात बुडाली
काया तिची झाली ओली ।

दुःख मनात भरले
दिसेना उपाय हरले ।

थांब पावसा तू जरासा ।
हवा थोडासा रे दिलासा ।
Sanjay R.