साथ

मन तुझे हरपले

मी हरवलो त्यात ।

माझा मी न उरलो

देशील का साथ ।

Sanjay R.

तुझी माझी कथा

तुझी आणि माझी

एकच आहे कथा ।

जिवनभराची साथ

आयुष्याची गाथा ।

डोळ्यातले अश्रू

अंतरातली व्यथा ।

हवे असो वा नको

पण सांभाळली प्रथा ।

कष्ट तुझेही त्यात

लढलो मीही स्वतः ।

गोड झाला संसार

हवेच काय आता ।

Sanjay R.

कविता प्रकाशित

माझे व्यासपीठ या मुंबई येथून प्रकाशित होणाऱ्या जुलै 2024 च्या मासिक अंकात माझी " वेड पावसाचे "  ही कविता प्रकाशित झाली.

संपादकांचे मनापासून आभार.

गावाकडची जत्रा

गावात होती ती वेगळीच मजा
वर्षातून एकदा भरायची जत्रा ।
छोट्या पासून मोठ्या पर्यंत सारेच
हौशीने जायचे काम सोडून सतरा ।
खूप मजा तिथे आनंद ही भरपूर
म्हणायचो मी चल ना जाऊ मित्रा ।
खाणे पिणे सर्कस सिनेमा पण
तमाशाच्या तंबूत होता मात्र खत्रा ।
पैश्यावर पैसा उधळायचे पाटील
रिकामा खिसा करून संपायची जत्रा ।
Sanjay R.

पहाट

बघू किती मी वाट
रात्र सरली होईल पहाट ।
चांदण्याही सोबतीला
काय तो रात्रीचा थाट ।
तुझीच होती काय ती कमी
सोडू नको तू अशीच गाठ ।
आपला वाटतो हा एक काठ
येऊ देना सागरातही लाट ।
Sanjay R.