भाव भक्ती

भाव भक्तीचा मार्ग
नेईल तिथेच स्वर्ग ।
मिटून दोन डोळे
चरणी लीन होतो ।

रूप तुझे आठवतो
मनी मी साठवतो ।
न उरते आशा मग
धन्य मनात होतो ।

राग लोभ मत्सर
सारेच ते दुराचार ।
लोप होतो तयाचा
भार सारा सरतो ।

दीन दुःखी गरीब
सारे माझ्या करीब ।
मीही दास प्रभूचा
भाव भक्तीत पाहतो
Sanjay R.

प्रीत

प्रीत कुठे खरी खोटी

ती अंतरातली वेदना ।

जन्मोजन्मी असेल ती

तुझी नि माझी साधना ।

Sanjay R.

स्वप्नांना हवेत पंख

स्वप्नांना तूझ्या

हवेत दोन पंख ।

विहरशिल गगनात

ढग तिथे असंख्य ।

सूर्य असेल कुठेतरी

ढगांच्याच आड ।

चंद्रही असेल पण

तो निजलेला गाढ ।

अंगणात दिसतील

चांदण्या पसरलेल्या ।

सूर्याच्या प्रकाशात

धूसर त्या झालेल्या ।

Sanjay R.

अपेक्षा

अपेक्षांचं ओझं पाठी
पाठ गेली ही झुकून ।
चालायचे म्हणून चालतो
श्वासही गेलेत थकून ।

तुझा तो अधिकार
मला वाटतो आधार ।
दे सोडून सारेच आता
ठेवू नकोस तू भार ।

प्रेमात तुझ्या मी ही
खाल्ल्या किती खस्ता ।
दोष तो तुझा नाहीच
पण दाखवलास रस्ता ।
Sanjay R.

वेदना

मनाची ती वेदना

कळते या मनाला ।

ओठ हे मुक जरी 

अश्रू येती नेत्राला ।

Sanjay R.