प्रीत

प्रीत कुठे खरी खोटी

ती अंतरातली वेदना ।

जन्मोजन्मी असेल ती

तुझी नि माझी साधना ।

Sanjay R.

स्वप्नांना हवेत पंख

स्वप्नांना तूझ्या

हवेत दोन पंख ।

विहरशिल गगनात

ढग तिथे असंख्य ।

सूर्य असेल कुठेतरी

ढगांच्याच आड ।

चंद्रही असेल पण

तो निजलेला गाढ ।

अंगणात दिसतील

चांदण्या पसरलेल्या ।

सूर्याच्या प्रकाशात

धूसर त्या झालेल्या ।

Sanjay R.

अपेक्षा

अपेक्षांचं ओझं पाठी
पाठ गेली ही झुकून ।
चालायचे म्हणून चालतो
श्वासही गेलेत थकून ।

तुझा तो अधिकार
मला वाटतो आधार ।
दे सोडून सारेच आता
ठेवू नकोस तू भार ।

प्रेमात तुझ्या मी ही
खाल्ल्या किती खस्ता ।
दोष तो तुझा नाहीच
पण दाखवलास रस्ता ।
Sanjay R.

वेदना

मनाची ती वेदना

कळते या मनाला ।

ओठ हे मुक जरी 

अश्रू येती नेत्राला ।

Sanjay R.

नशीब

नको दोष नशिबाला

प्रीत हृदयात फुलते ।

मनाला मन जुळता

अंतरातही ते झुलते ।

Sanjay R.