येऊ दे आता पाऊस

येऊ दे आता पाऊस
मी पण घेईल भिजून ।
भयंकरच होतं उन
सारेच निघाले शिजून ।
जगभरात झाले रेकॉर्ड
पृथ्वी थकली तापून ।
पाण्याची झाली वाफ
नदीही गेली आटून ।
रडायला पण येत नाही
डोळेही गेलेत सुकून ।
येऊ दे रे पाऊस आता
मी पण घेईल भिजून ।
Sanjay R.

तरुण भारत ला कविता प्रकाशित

आज दिनांक 2 जुन 2024 ला दैनिक तरुण भारत, आसमंत पुरवणीत माझी " बंद दार " ही कविता प्रकाशित झाली, संपादकांचे खूप खूप आभार .

रात्र अंधारी

मनात नको दुःख
हवी थोडीशी आशा ।
बघ डोळ्यात माझ्या
सरेल साऱ्या निराशा ।

असू दे रात्र अंधारी
चांदण्या आहे सोबतीला ।
पौर्णिमेला चंद्र पूर्ण
नी काजवे अमावस्येला ।
Sanjay R.

चांदण्यांचा बहर

आकाश काळे चमचमते
चांदण्यांचा बहर आला ।
मधेच डोकावतो चंद्र
सारतो दूर तो निषेला ।
Sanjay R.

प्रेमाची माळ

जपतो मी मनात

 प्रीय प्रेमाची माळ ।

अवघा आनंद मनी

रुणझुण वाजे चाळ।

Sanjay R.