दिसते सुंदर आजही
झाली कुठे म्हातारी ।
गुणगुणते ती गाणे
बसून माझ्या शेजारी ।
गंमत इतकी करते नी
जोक्सही तिचे भारी ।
करमत नाही मुळीच
नसते जेव्हा स्वारी ।
मजाच येत नाही मुळी
नसते जेव्हा ती घरी ।
हवी हवीच वाटते
डोकावते मी दारी ।
हसते खेळते सोबत
खात नाही सुपारी ।
म्हणू कसे मी आजी
वाजवेल ना तुतारी ।
Sanjay R.
विचारांचे वादळ
डोक्याला किती भार
घोंगवणारे वारे
होती बुध्दी वर स्वार ।
सारेच होते मग
अगदी तार तार ।
शोधतो कुणाचा मग
मिळतो का तो आधार ।
निघतोच कुठे त्यातून
दूर किती असतो पार ।
बोथट झालेली असते
मनातली संशयी धार ।
मीही स्वीकार करतो
स्वतःची स्वतःचीच हार ।
Sanjay R.
अंधार बघतो वाट
होईल कधी पहाट ।
चिव चिव चिमण्यांची
काय पहाटेचा थाट ।
रात्रीचा सरेल काळोख
घडेल सूर्याशी गाठ ।
येईल बहरून मोगरा
भरेल सुगंध काठो काठ ।
निपचित होती पडून
जाईल भरून ही वाट ।
दुर मंदिरातला नाद
नी वारा मोकळा सैराट ।
Sanjay R.
