उडे केस भरभरा
उनाड किती हा वारा ।
सावरू कसे मी मज
पदर थांबेना जरा ।
का छळतोस सारखा
कुठला रे हा इशारा ।
वरून थेंब पडती
आल्या पावसाच्या धारा ।
अंगही हे झाले ओले
फुलला मनी पिसारा ।
थांबना तू रे जरासा
देई स्पर्श ही शहारा ।
संगे तुझ्या मी नाचते
टाक तोडून पहारा ।
झाले तुझीच आज मी
दे मजसी तू सहारा ।
Sanjay R.
' गुरू ज्ञानाचा सागर '
जडलो जो घडलो मी
झालो कसा हो ज्ञानी ।
गुरुजी तुमचीच कृपा
बनवले मज स्वाभिमानी ।
शब्दांची हो दिली ओळख
झाली मधुर आमची वाणी ।
गुरुजींचाच हात पाठीवर
नव्हते मागे तेव्हा कोणी ।
ज्ञानाचाही तुम्हीच सागर
थेंब थेंब पाजले पाणी ।
आहोत जे आता आम्ही
विसरू कशी ती कहाणी ।
ओढ असायची शाळेची
आठवण तुमची क्षणोक्षणी ।
गृहापाठाची शिक्षा तुमची
अनोख्याच त्या आठवणी ।
गुरू विना तर सारेच व्यर्थ
अज्ञानी तो काय जाणी ।
शतवार मी नमन करतो
आजन्म हो तुमचाच ऋणी ।
संजय रोंघे
मोबाईल - 8380074730
माझे व्यासपीठ या मुंबई येथून प्रकाशित होणाऱ्या ऑगस्ट 2023 च्या मासिक अंकात माझी सरींना आलंय उधाण ; कविता प्रकाशित झाली.संपादकांचे मनापासून आभार.
