मनाचा बंध

मनाच्या या बंधात
दिसे प्रेमाचेच नाते ।
भावना जाती जुळून
प्रेम तिथेच फुलते ।

प्रेमाला कशाचा वेळ
नाही फुलण्याचा काळ ।
क्षणात येते फुलून
घेऊन आनंदाची माळ ।

मन घेते मग झोके
अंतरात होते सकाळ ।
बहरते जेव्हा सारे
असते तीच सायंकाळ ।
Sanjay R.

बंध

गुलाब फुलतो काट्यात
अतूट किती हा बंध ।
मोगरा असतो बाजूला
दरवळतो सुगंध ।
Sanjay R.

उरतो तुझाच विचार

नाही खिडकी तिथे
नाही कुठले दार ।
बंद सारेच कुलपात
आत झेलतो प्रहार ।

अंतरात ठेवले सारे
काय किती विचार ।
आठवण येते कधी
लागते डोळ्यांना धार ।

चालेना डोके मग
वाटतो सारा भार ।
चेहरा येतो पुढ्यात
मन होते मग सतार ।

बघतो वर आकाश
नभात दिसतो आकार ।
जातो विसरून सारे
उरतो तुझाच विचार ।
Sanjay R.

एक दार मनातले

एक दार मनातले
सदाच असते बंद ।
जपून ठेवले तिथे
क्षण जीवनाचे धुंद ।

उमळती कळ्या तेव्हा
 दरवळतो सुगंध ।
चांदण्यांच्या अंगणात
चंद्र प्रकाशही  मंद ।

शब्दांचाच खेळ इथे
चाले तोही ऐक छंद ।
होती प्रगट विचार
तोडूनीया सारे बंध ।
Sanjay R.

पडली आता भिंत

तुझ्या माझ्यातली
पडली आता भिंत ।
परत पडू ना प्रेमात
नकोच आता खंत ।

निरभ्र इथे आकाश
दिसते खुल खुल ।
खूप आवडली मला
तू पाठवलेली फुलं ।

आठवते अजूनही
तुझं गोड हसण  ।
फुगवून थोडे गाल
सहजच रुसण ।

डोळ्यात तुझ्या
आहे काय जादू ।
हवे हवे वाटते
ओठातले मधू ।
Sanjay R.