मैत्री

जीवनाला हवी मैत्रीची जोड
मैत्रीला नाही कशाची तोड ।
क्षणोक्षणी येते आठवण
नसेल तितकी कशात ओढ ।
आनंद असो वा दुःख असो
मित्र असेल तर नसते लोड ।
समजून घेऊन मिळते साथ
मैत्रीत सारेच होते गोड ।
Sanjay R.

माणुसकीची भिंत

जागो जागी आडवी इथे
माणुसकीची भिंत ।
कुणास नाही घेणे देणे
वाटेल कशी खंत ।

आपुलकीची भावना कुठे
विचार झाले संथ ।
सारेच इथे आहे बदलले
नाही उरलेत संत ।

ज्याचा त्याचा एकच हेका
आहेच कुठे विचार वंत ।
काय आता कुणास ठाऊक
होईल का हो अंत ।
Sanjay R.

प्रेम खोटे

मैत्रीतून होते प्रेम
प्रेमातून मैत्री कुठे ।
नको नको हो आता
खोटी मैत्री प्रेम खोटे ।
Sanjay R.

चुकांचे ओझे

तुझ्या चुकांचे ओझे
कसे मी वाहू ।
आहे तसेच जीवन
बस डोळे भरून पाहू ।
Sanjay R.

चुकीला माफी

झाली चूक एकदा
मिळाली माफी तेव्हा ।
परत परत होते चूक
माफी आता केव्हा केव्हा ।

नकोच ती चूक परत
सारेच आले आता सरत ।
चुकीला नको माफी
जगायचे फक्त हरत ।
Sanjay R.