कोण कुठे नी कशास तू
कळेना मज पण मनात तू ।
शून्यात कधी बघतो जेव्हा
हरवतो मी आणि स्वप्नात तू ।
शोधते नजर का कुणास
नजरेत असतेस तेव्हाही तू ।
मिळते नजरेस नजर जेव्हा
भासते मला की हसतेस तू ।
ओढ म्हणू की प्रेम मी
सदा असते अंतरात तू ।
सहज लागते उचकी जेव्हा
तेव्हाही असते आठवणीत तू ।
Sanjay R.
करू कुणावर विश्वास
नाही कुणाचा भरोसा ।
स्वर्थीच आहेत इथे
सगळ्यांना हवा पैसा ।
माया ममता प्रेम सरले
पैसा पैसा आहे कैसा ।
झाला माणूस क्रूर किती
जणू माजलेला भैसा ।
Sanjay R.
ठेव थोडा विश्वास
असू दे थोडा ध्यास ।
मिरवू नकोस असा
मिटतील सारे आभास ।
येईल असाच कोणी
घेऊन जाईल घास ।
जगेन घे हवे तसे
शेवटी थांबतील श्वास ।
Sanjay R.
बसेना विश्वास कुणाचा
अघटीत सारे घडले ।
विचारा विचारात मग
महत्वाचे काम अडले ।
सांगेना कोणीच काही
कोडे मलाही पडले ।
दिवस रात्र बघत असतो
व्यसन मोबाईलचे जडले ।
Sanjay R.
