मिठी

जशी कृष्णा ने
सुदामाला दिली
प्रेमाची एक मिठी ।
मैत्री किती ती दृढ
जगायचे मरायचे
फक्त मैत्री साठी ।
Sanjay R.

गुलाब

फुलतो मोगरा
दरवळतो गंध ।
बघून गुलाब
मन होते धुंद ।
Sanjay R.

चुकता पाऊल

चुकता पाऊल
मार्ग नेयी पुढे ।
परतीची वाट
सापडेना कुठे ।

संकटाशी हात
अपयशाचे पाढे ।
तावून निखारून
अनुभवाचे गाडे ।

धरा सरळ वाट
सोपी जीवनाचे धडे ।
सुख आनंद लाभे
यात्रा तिर्थाची घडे ।
Sanjay R.

जमत नाही

असेल तू तर
तुझे माझे जमत नाही ।
पण तुझ्या विना तर
मज करमत ही नाही ।

जीवनाचे ही आहे असेच
हवे ते जे जवळ नाही ।
जे जे आहे जवळ
त्याची मात्र किंमत नाही ।
Sanjay R.

बंध

जुळेना बंध प्रितीचा
मनाचे मनालाच कळेना ।
नकोच विचार कुठले
विचार विचारांशी जुळेना ।
Sanjay R.