हे जटाधारी महादेव
तिंहीलोकीच्या नाथा
सर्प नंदी आणि त्रिशूळ
त्यात आहे तुझी गाथा ।
करिसी त्रिलोकी तू भ्रमण
श्रीगणेशाचा तू पिता ।
वास्तव्य तुझे कैलासावरी
वसते तिथेच पार्वती माता ।
देवांचा तू देव शंकरा
नमन करितो मी आता ।
निळकंठ तू भस्मधारी
ठेवितो पिंडीवरती माथा ।
Sanjay R.
जशी कृष्णा ने
सुदामाला दिली
प्रेमाची एक मिठी ।
मैत्री किती ती दृढ
जगायचे मरायचे
फक्त मैत्री साठी ।
Sanjay R.
चुकता पाऊल
मार्ग नेयी पुढे ।
परतीची वाट
सापडेना कुठे ।
संकटाशी हात
अपयशाचे पाढे ।
तावून निखारून
अनुभवाचे गाडे ।
धरा सरळ वाट
सोपी जीवनाचे धडे ।
सुख आनंद लाभे
यात्रा तिर्थाची घडे ।
Sanjay R.
असेल तू तर
तुझे माझे जमत नाही ।
पण तुझ्या विना तर
मज करमत ही नाही ।
जीवनाचे ही आहे असेच
हवे ते जे जवळ नाही ।
जे जे आहे जवळ
त्याची मात्र किंमत नाही ।
Sanjay R.
