कर्ज झाले हो भारी
जप्तीवाले आले दारी ।
घर सामान गेले घेऊन
सांगा आता कोण तारी ।
पोटात पेटते आग जेव्हा
हवी असते ऐक भाकरी ।
नशिबाचा खेळ सारा
देतो कोण इथे चाकरी ।
मोडक्या भिंती वर पाय
गरिबाला कोण विचारी ।
मार्ग जिथे संपले सारे
उरली ऐक अनंताची वारी ।
Sanjay R.
घटनेने दिले अधिकार आम्हा
आहे विचारांची अभिव्यक्ती ।
मिळून सारेच वसतो इथे
तीच तर आहे आमची शक्ती ।
दुसऱ्यास देतो कधी त्रास
वाटे तो आधिकार आमचा ।
नका छळू हो इथे कुणास
अधिकार आहे तोही त्याचा ।
व्यक्ती तितक्या इथे प्रवृत्त्ती
मोह मायेने केला विनाश ।
जगणे मरणे त्याच्या हाती
हसवण्याचा हवा थोडा प्रयास ।
Sanjay R.
हवे कुणास काय बघा
थोडी दारू थोडे पाणी ।
दुःख झाले जेव्हा भारी
थोडी दारू थोडे पाणी ।
झाला आनंद मोठा तरी
थोडी दारू थोडे पाणी ।
वेळ जात नाही मग काय
थोडी दारू थोडे पाणी ।
मन लागत नाही कशात
थोडी दारू थोडे पाणी ।
मित्र आले भेटायला तर
थोडी दारू थोडे पाणी ।
मित्र नाही आले आज
थोडी दारू थोडे पाणी ।
काहीच नाही करायला
थोडी दारू थोडे पाणी ।
पैसा संपला द्या ना कोणी
थोडी दारू थोडे पाणी ।
नको वाटते जगणे आता
थोडी दारू थोडे पाणी ।
मरण जरी रुसले तरी
थोडी दारू थोडे पाणी ।
दारू सरली नाही पाणी
पाजा ना हो आहे कोणी ।
नको कोण म्हणतोय इथे
हवीच दारू थोडे पाणी ।
परिवार गेला सारे संपले
दारू दारू आणि पाणी ।
जगता जगता मेला कसा
होती दारू थोडे पाणी ।
दारू दारू फक्त दारू
सुधारला का सांगा कोणी ।
Sanjay R.
येते मज आठवण
आहे कुणी मनात ।
नकळे मज काही
काय तिच्या मनात ।
बघतो मी जेव्हा
सदा असते हसत ।
बघताच आले नाही
असते केव्हा रुसत ।
नजरेला मिळता नजर
असते चमक डोळ्यात ।
बोलतात डोळे काही
ती सांगेल का शब्दात ।
डोळे माझेही वाटेवर
ते सारेच जाणतात ।
ओठांना संदेश माझा
ऐकायचे काय बोलतात ।
Sanjay R.
