आहे देव या मनात

जिथे भाव तिथे देव
मनातली आहे ठेव ।

संकटात येता याद
विश्वासास मिळे साद ।

करायची थोडी भक्ती
जाणायची त्याची शक्ती ।

नाही कशाचीच आशा
करी दूर तो निराशा ।

करू देवाचाच ध्यास ।
निरंतर घेऊ श्वास ।

आहे देव या मनात
शोधा त्यासी माणसात ।
Sanjay R.

नको ते विचार

नको ते विचार
डोक्यात येतात ।
अस्वस्थ करून
मग दूर जातात ।

सुचत नाही काही
विचारही थांबतात ।
नजर जाते शून्यात
श्वास मंद होतात ।

नको नको ते विचार
हवा थोडा आनंद ।
विसरून सारे बघा
होऊ चला धुंद ।
Sanjay R.

आठवण

तुझ्या आणि माझ्यात
ऐक वेगळाच बंध ।
तू तिथे आणि मी इथे
तरीही दरवळतो सुगंध ।

हसतेस ना तू जेव्हा
मन माझेही हसते ।
आठवतो चेहरा तुझा
शोधतो कशी तू दिसते ।

विसरेल मी कसा
जुन्या त्या आठवणी ।
कधी व्हायची हळवी
नी डोळ्यात पाणी ।

आज सहजच मज
का याद तुझी आली ।
मीही झालो हळवा
का सोडून तू गेली ।
Sanjay R.

अतूट हे नाते

अतूट हे नाते
जसे जन्मांतरीचे ।
आई तिचा बाळ
नाते ते अनंताचे ।

पिलासाठी पाखरू
करी धावाधाव ।
आई विना पोर
झेले सारे घाव ।

नाते हे अनोखे
नाही त्यात दुरावा ।
जगात श्रेष्ठ माता
हवा कशास पुरावा ।
Sanjay R.

तूच विठू तूच शाम

स्मरणात असो नाम
तूच विठू तूच शाम ।
मनी नाहीच काही
रूप तुझेच ठाम ।
आस तुझी मनात
म्हणतो मीही राम ।
चंद्रभागा वाहे डोळी
पंढरीत आहे धाम ।
मुखी विठ्ठल विठ्ठल
तूच विठू तूच शाम ।
Sanjay R.