नको बघू काही
नजरा इथे विषारी ।
नको बोलू काही
शब्दही इथे दुधारी ।
ठाऊक कुणास चव
विषाची नको परीक्षा ।
जो तो दिसे इथे
घेऊन जहरी दीक्षा ।
आभास असतो सारा
वाटे अमृताची धारा ।
बघूनच ठेवा पाऊल
नाही कळणार इशारा ।
Sanjay R.
Wednesday, March 1, 2023
Tuesday, February 28, 2023
शब्द झाले फितूर
शब्दातून तुझ्या मी
काढू कसा तो अर्थ ।
वाटले विषारी बाण
नाही मज तो स्वार्थ ।
शब्दात दिसे भावना
भावनेत असे मन ।
शब्द झालेत फितूर
निराकार झाले तन ।
नको आता उजळनि
उजाडली परतीची वाट ।
जायचे विसरून आता
झाली मोकळी गाठ ।
Sanjay R.
शब्दांची उकल
तुझ्या शब्दांची
होत नाही उकल ।
शोधतो अर्थ सारे
घेतो शब्दांची दखल ।
सांगून जातात कधी
शब्द शब्दांचाच अर्थ ।
कळते मग मलाही
प्रयास सारेच ते व्यर्थ ।
सांगू कुणास मी कसे
मनात आहे ऐक आशा ।
शब्द हवा मज एक
नको त्यातून निराशा ।
Sanjay R.
Monday, February 27, 2023
नको दाखवू अभिमान
नको दाखवू अभिमान
खोटी तुझी रे शान ।
फुकाचा रे हा मान
कळे साऱ्यासी छान ।
बघ होऊन तू लहान
होशील किती महान ।
न मागता मिळेल
तुज सारा मानपान ।
मिरवतील जन सारे
हरपेल तुझे भान ।
मोठा होऊनही वाटेल
सुंदर तुझेच ध्यान ।
Sanjay R.
माझ्या मराठीची गोडी
माझ्या मराठीची गोडी
जन जनास ती जोडी ।
वऱ्हाडीची तिला साथ
सोबतीला पुणेरी हात ।
खानदेशी आहे बाज
मुंबा नगरीचा तिला साज ।
थोरा मोठ्यांनी सजविले
या महाराष्ट्रात रुजविले ।
माय मराठी मी म्हणतो
गाणे तिचेच गुणगुणतो ।
गातो मराठीची मी थोरवी
फुलते मनामनात पालवी ।
Sanjay R.
Subscribe to:
Comments (Atom)