उघडुन डोळे नीट बघा
कोण इथे तुमचा सखा ।
जात फसवी माणसांची
कधीही देतील तेच धोका ।
दूर जरासे ठेवा काढून
धोकेबाजांना आधी रोका ।
देऊ नका हो एकही त्यांना
फसवेगिरीचा असा मोका ।
शब्दांमध्ये ही किंमत असते
वेळीच त्यांना जरा टोका ।
जमत नसेल तर बघा जरा
कीड लागलेले उपटून फेका ।
Sanjay R.
मागे वळून नको पाहू
आहे तो तर भूतकाळ
वर्तमान आहे जगायचा
भविष्य उद्याची सकाळ
काल गेला आज आला
आहे उद्या तर येणारच ।
नाही कुणास काळजी
जे व्हायचे ते होणारच ।
Sanjay R.
नव वर्षाची ही चाहूल
सरणार जुने नवे येणार ।
गत वर्षीच्या आठवणी
भविष्याला देई आधार ।
आनंद उत्सव करू साजरा
करू भूतकाळाला सार ।
नवावर्षाच्या नव्या आशा
स्वप्न मनातले करू साकार ।
Sanjay R.
छोटीशी ऐक परी
सुंदर ती किती
नव्हती तिला कुणाची
काहीच हो भीती ।
भ्रमण करायची स्वर्गात
यायची पृथ्वीवर कधी ।
वाटेवर तिच्या मधेच
पडायची अमृताची नदी ।
पाणी पिताच कोणी
अमर तो व्हायचा ।
सरळ मग परी संगे
स्वर्गातच जायचा ।
दुष्ट जेव्हा प्यायचे पाणी
नरकात पोचायचा ।
हाल अपेष्टा शिक्षा
आयुष्यभर भोगायचा ।
होऊ नका हो दुष्ट
परी होईल रुष्ट ।
स्वर्गात जाण्यासाठी
तुम्ही करू थोडे कष्ट ।
Sanjay R.
