खेळू चला आज झिम्मा
नका करू तुम्ही हम्मा ।
जुने सारे खेळ झाले पार
घेतला मोबाईलचा आधार ।
मोबाईल मधेच बघतात सारे
पागल व्हाल हो नाही ते बरे ।
नजर तुमची होईल कमी
पाठीच्या आजाराची आहे हमी ।
जरा सोडा ना आता मोबाईल
झिम्मा खेळण्यात वेळही जाईल ।
Sanjay R.
नेताजी सुखदेव भगतसिंग
या अनेक वीरांच्या गाथा ।
दिले त्यांनी बलिदान आपले
नाही ती हो साधी कथा ।
हिंदवी स्वराज्य ज्यांनी स्थापले
ते शिवराय मुघलांशी लढले ।
शूर वीर ती झाशीची राणी
गांधी नेहरू ही इथेच घडले ।
इतिहास जाणतो शौर्य तयांचे
त्या साऱ्यांना नमन आमचे ।
व्यर्थ नाही जाणार बलिदान
रक्षण करू या भारत भू चे ।
Sanjay R.
सरले उत्सव सारे
जगतो वास्तव इथे ।
अंतिम यात्राच बाकी
कळेना जायचे कुठे ।
दूर नीरव शांतता
गर्दीत मी उभा इथे ।
मार्ग सोपा की कठीण
कळेना जायचे कुठे ।
सत्य म्हणू की भ्रम तो
नाही कोणीच का तिथे ।
आत्मा अशांत वाटतो
कळेना जायचे कुठे ।
सोडून जीव मी आलो
भ्रमण नाही सरले ।
मृत्यू पुढे नी मी मागे
कळेना जायचे कुठे ।
Sanjay R.
नकळत मनात तू
घर करून गेली ।
विसरलो मलाच मी
तहान भूकही नेली ।
कधी कुठे पहिले तुला
नजरा नजर झाली ।
निघेना मनातून आता
मनाची तू राणी झाली ।
शोधतो तुलाच आता
रस्ता असला जरी खाली ।
विचार सदा असतो तुझा
नेत्रांची झोपही उडाली ।
परत येकदा वाटते बघावी
गालावरची तुझ्या लाली ।
चाहूल तुझी मी घेतो आणि
होतात श्वासही वर खाली ।
Sanjay R.
रंग मेंदीचा असा
झाला गर्द कसा ।
प्रेमाचे ते प्रतिक
आहे घेतला वसा ।
रंग निघणार नाही
पक्का तो जसा ।
विश्वास हा माझा
आहे प्रेमात तसा ।
आनंद आहे प्रेमात
जरा थोडे तर हसा ।
नको काळजी आता
सुंदर तुम्हीही दिसा ।
Sanjay R.
