रंग मेंदीचा असा

रंग मेंदीचा असा
झाला गर्द कसा ।
प्रेमाचे ते प्रतिक
आहे घेतला वसा ।

रंग निघणार नाही
पक्का तो जसा ।
विश्वास हा माझा
आहे प्रेमात तसा ।

आनंद आहे प्रेमात
जरा थोडे तर हसा ।
नको काळजी आता
सुंदर तुम्हीही दिसा ।
Sanjay R.

रंग मेंदीचा

गर्द हा रंग मेंदीचा
हातावर खुलला ।
ओठावरच्या हास्याने
चेहराही फुलला ।

डोळे झाले बोलके
आनंदही झुलला ।
रंग गुलाबी कसा
सर्वस्वच भुलला ।
Sanjay R.

इतिहास जमा

काल जे होते
झाले इतिहास जमा ।
उद्या जे येईल
त्याची नाही तमा ।

दुखणे असते तेच
सांगू मी काय तुम्हा ।
रोज एक नवा दिवस
विचारतो कोण आम्हा ।
Sanjay R.

भावना

कुठे असते भावना
तिला भेटायचं मला ।
सरली म्हणतात सारे
दिसली का तुला ।

नको जाऊस आहारी
असते ती भारी ।
तुटली येकदा की
लागते जिव्हारी ।

स्वरात तिच्या हो
का ते कळत नाही ।
नकार देऊनही
होकार टाळत नाही ।
Sanjay R.

नको मज इतिहास

जगतो मी वर्तमान
नको मज इतिहास ।
भविष्याची नाही चिंता
आज घेतो तोच श्वास ।

जगण्यासाठी चाले सारे
निष्फळ होतात प्रयास ।
जगण्यापुढे नाही काही
पोटासाठी सारे ध्यास ।

बघतो रात्री स्वप्न एकच
होतो सुखाचा आभास ।
दिवस ऐक येईल बरा
आहे मनात विश्वास ।
Sanjay R.