हटत नाही नजर
असतेस पुढेच तू ।
वळून बघतो मागे
तिथेही असतेस तू ।
स्वप्नात होतात भास
शोधतो तिथेही तू ।
होऊन जागा बघतो
परत पुढ्यात तू ।
निराश होते मन
आशेचा किरण तू ।
आनंदाचा ऐक क्षण
हसत असतेस तू ।
नको वाटते जगणे
त्याही विचारात तू ।
जगण्याची तऱ्हा वेगळी
त्यात मज हवी तू ।
Sanjay R.
सगळेच इथे स्टार
करतात छुपे वार ।
अचानक होती गायब
मग शोधतात आधार ।
नको तेच घडते
वाटतो भूमीला भार ।
घोंगावतात मग
डोक्यात भारी विचार ।
सुचेना काहीच
मन होते लाचार ।
चांगले ते घ्यायचे
वाचायचे सुविचार ।
बदला मग थोडे
बदलतील आचार ।
कशाला हवा
कशाचा प्रचार ।
जीवनाची ही नौका
होईल हो पार ।
Sanjay R.
प्रश्न आहे मोठा
आहे मी कोण ।
मुलगी म्हणते घरात
रॉकस्टार दोन ।
पप्पा आणि मम्मी
स्टार आहेत जीचे ।
अन मोठी ती फॅन
आहेत हिरो तिचे ।
Sanjay R.
