संसाराची दोन चाके

संसाराची दोन चाके
आयुष्याचा रथ हाके ।
होतो पुरुष पुढे आणि
अर्धांगिनी त्याच्या मागे ।
जीवनाला मिळे गती
भार उचलून चाले दोघे ।
थांबण्यास वेळ नाही
कष्टातून नशीब जागे ।
Sanjay R.

जीव गुंतला तुझ्यात

जीव गुंतला तुझ्यात
असतेस तू मनात
तुलाच असतो बघत
येतेस ना तू स्वप्नात
Sanjay R.

इंद्रधनु

इंद्रधनुचे तर रंग सात
पुरतात कुठे तिथे हात ।
रंगांची होते उधळण
आकाशाची अलगच बात ।
उदय असो वा होई अस्त
लाल रंगांची सूर्यास साथ ।
निळे निळे ते दूर आकाश
क्षितिजालाही मिळते मात ।
Sanjay R.

नऊ रंग

नऊ रंगांनी बहरली
ही दुनिया सारी ।
हिरवी झाडे लाल फुले
उधळण रंगाची भारी ।

दिवसाला घाई गडबड
दिसे सारा पसारा ।
रात्र असते शांत किती
साद देतो हळूच वारा ।

नक्षत्रांचे अलगच रूप
कधी वाटे किती गारवा ।
मधेच निघते तापून धरा
पाऊस पडता रंग हिरवा ।
Sanjay R.

रंग प्रेमाचे

मन आज ना माने
झाले काय कोण जाणे ।
आठवे मज ऐक गाणे
त्याचे ऐकावे तराणे ।

बघावे वाटते तुला
मन झाले अधीर ।
फुलपाखरू ते झाले
त्यासी कुठे धीर ।

घेऊन तुज उडावे
जावे कुठे दूर ।
गावे गीत प्रेमाचे
मिळवून सुरात सुर ।

रंग किती या प्रेमाचे
इंद्रधनुचा होतो भास ।
फुलतो गुलाब गाली
नी बेधुंद होतो श्वास ।
Sanjay R.