बाळ रडते जेव्हा

रडतो बाळ जेव्हा
निरागस त्याचे भाव ।
डोळ्यात नसतात अश्रू
कळेना मनाचा ठाव ।
कधी हसतो गालात
त्याची असते कुठे धाव ।
हलवतो पाय जोरात
जसा वल्हवितो नाव ।
Sanjay R.

सुंदर मळा

तुझ्या माझ्या प्रेमाचा
फुलू दे सुंदर मळा ।
चल जाऊ या दूर कुठे
मलाही लागू दे लळा ।
Sanjay R.

आरोप

करू नकोस आरोप
अन्यथा घे हाच निरोप ।
झाले गेले विसर आता
चल करू समारोप ।
Sanjay R.

तू

हटत नाही नजर
असतेस पुढेच तू ।
वळून बघतो मागे
तिथेही असतेस तू ।

स्वप्नात होतात भास
शोधतो तिथेही तू ।
होऊन जागा बघतो
परत पुढ्यात तू ।

निराश होते मन
आशेचा किरण तू ।
आनंदाचा ऐक क्षण
हसत असतेस तू ।

नको वाटते जगणे
त्याही विचारात तू ।
जगण्याची तऱ्हा वेगळी
त्यात मज हवी तू ।
Sanjay R.

डाव

जीवन खेळाचा डाव
सदा चाले धावा धाव
नकोच कशाची हाव
आपोआप होते नाव
Sanjay R.