शून्यात लागली नजर

शून्यात लागली नजर
मनात विचारांचे वादळ ।
भूत भविष्य दिसे सारे
गळती डोळ्यातून ओघळ ।

विश्वासाची तुटली तार
वाटे ही जीवनाची हार ।
मनाच्या होतात चिथड्या
आपलेच जेव्हा करतात वार ।
Sanjay R.

गोष्ट ही खरी

जसा अधिकारी
तसा सत्ताधारी ।
कोणी विषारी
कुणाची हुशारी ।
कोणी घरी
कोणी शेजारी ।
पेशंट आजारी
डॉक्टर बाजारी ।
सांगतो मी तरी
गोष्ट ही खरी ।
Sanjay R.

पोकळ बाता

आश्वासन पोकळ बाता
त्या शब्दांची काय किंमत ।
बोलून फक्त टळते वेळ
करायला लागते हिम्मत ।

शब्दांचे परिणाम भारी
गोडवा करी कामे सारी ।
अप शब्दांनी होतो घात
सोसावा लागे दुरावा भारी ।
Sanjay R.

सत्ताधारी

राज कारणी तू
तूच रे सत्ताधारी ।
सरली माणुसकी
झाला अविचारी ।
Sanjay R.

आश्वासन

नकोच तुमचे आश्वासन
बघून घेऊ आमचे आम्ही ।
मिरवून घेता स्वतःस
करताच काय हो तुम्ही ।
Sanjay R.