कसा करायचा सांभाळ
जाऊन आईला विचारा ।
बाबाही सांगतील सारे
जरी असेल त्यांचा दरारा ।
लहानाचे केले मोठे
किती झेलल्या यातना ।
रात्री किती जागून काढल्या
दिल्या का कोणी सांत्वना ।
तिचेच आता म्हातारपण
नको झाले लेकाला ।
करे धाडले वृद्धाश्रमी
पोचलास का टोकाला ।
Sanjay R.
कशी असेल सांगा
पुढची ती पिढी ।
वेगळीच असेल ना
त्यावेळची ती घडी ।
आई वडिलांपासून दूर
स्वतः चे वेगळे घर ।
नको म्हातारे घरात
असेल का हाच स्वर ।
दोघांचा असेल संसार
तिसऱ्याचा होईल भार ।
नसेल प्रेम माया मनी
आपले पणाचाच विचार ।
सुख सुविधा असतील
नसेल कशाची कमी ।
आठवण येऊ नये म्हणून
आई वडिलांचे डमी ।
Sanjay R.
विचारात पडतो फरक
बदलते जेव्हा पिढी ।
पडतात मागे थोड्या
जुन्या काही रूढी ।
वागतो वाटेल तसे
माणूस असतोच मुडी ।
माझेच सारे बरोबर
म्हणतो उभारून गुढी ।
Sanjay R.
निसर्गाचा नियमच आहे
जुने जाणार नवे येणार ।
आजवर तेच घडले
पुढेही तेच घडणार ।
पिढी मागून पिढी जातील
वेळ कुठे थांबणार ।
वेळे सोबत धावायचे
सांगा मीही नाही हरणार ।
Sanjay R.
छोटा मी बालक
छोटे छोटे हात ।
होईल जेव्हा मोठा
गाजविल प्रताप ।
स्वप्न माझे मोठे
मोठा आहे ध्यास ।
आई बाबा तुमचा
तोडणार नाही विश्वास ।
पुस्तकात आहे प्राण
घ्यायचे सार ज्ञान ।
ऐक दिवस माझाही
वाटेल तुम्हा अभिमान ।
मीही करील कष्ट
नाव होईल माझे
जीवनभर सांभाळील
आई प्रेम हवे तुझे ।
Sanjay R.
बालदिनाच्या शुभेछा
