गाय वासरू

गाय हंबरते वासरासाठी
वासरू व्याकूळ आईसाठी ।
मनुष्य असो वां असो प्राणी
प्रेमाची तर एकच कहाणी ।
Sanjay R.

वल्हवितो नाव

रडतो बाळ जेव्हा
निरागस त्याचे भाव ।
डोळ्यात नसतात अश्रू
कळेना मनाचा ठाव ।
कधी हसतो गालात
त्याची असते कुठे धाव ।
हलवतो पाय जोरात
जसा वल्हवितो नाव ।
Sanjay R.

चंद्र हसतो गालात

वर बघतो तिथे मी

निळे निळे आकाश ।

चंद्र चांदणी येताच

होतो काळा प्रकाश ।

चमचमते चांदणी

चंद्र हसतो गालात ।

गगनात चाले खेळ

रात्रीच्या अंधारात ।

हळूच येतो वारा 

सळसळ होते झाडात ।

रातकिडे देई साद

होते धड धड मनात ।

Sanjay R.

निरागसता

तुझी हीच निरागसता
मनात घर करून गेली ।
माझा मी न उरलो आता
तहान भूकही तूच नेली ।
Sanjay R.

तान्हे बाळ

कधी हसे खुदकन
भाव निरागस बाळाचे ।
उघडुन डोळे दोन्ही
घेई दर्शन मग जगाचे ।
नाही ठाव कशाचा
कळेना काही मनाचे ।
लगता भूक जराशी
उठे सुर रडण्याचे ।
Sanjay R.