मन झाले पाखरू

मन झाले पाखरू
सांगा कसे मी धरू ।

कधी इथे कधी तिथे
शोधू आता मी कुठे ।

क्षणात घेते दूर भरारी
येते फिरुनी दिशा चारी ।
Sanjay R.

बोल गाण्याचे

शब्दांनी दिली साथ
निघालो गीत गात ।
बोल दुःखाचे होते
सुखाचा नव्हता हात ।
आनंदाचा कुठे प्रकाश
जीवन काळोखी रात ।
भोग मी भोगतो सारे
नशीबाचीच ही बात ।
Sanjay R.

तुझ्या शब्दांचा सार

तुझ्या शब्दांचा सार
करतो मीही विचार ।
होऊन गीत फुलते
होतो आनंदाचा संचार ।

कधी गुणगुणतो ते शब्द
कधी भावनांशी जुळतो ।
कधी गालात मी हसतो
वाराही मग सळसळतो ।

मन झुलते दूर गगनात
साथ पक्षीही मग देतात ।
चोहीकडे होते किलबिल
वाटे गीत तुझेच ते गातात ।
Sanjay R.

शब्द सार

शब्दामागे जुळती शब्द
भावनांचा तिथे आधार ।
भावनेला ठेवी जोडून
कथा कवितांचा तोच सार ।
Sanjay R.

कुठे आहेत प्रेमाचे वारे

जगभर कसे युद्धाचे वारे
कुठे आहेत प्रेमाचे वारे ।
अणू बॉम्ब ची देती धमकी
माणसांचे माणसांवर मारे ।
Sanjay R.