गुलाब मोगरा

तुला देतो मी गुलाब

तू मोगरा तरी दे  ।

जाईल सुकून पाकळ्या

गंध असाच दरवळू दे ।

गुलाब तुझा आवडता

आवडे मज मोगरा ।

फुलांची होऊ दे बरसात

गंध प्रीतीचा साजरा ।

Sanjay R.

साथ तुझी हवी

साथ तुझी मज हवी
ओळख अजूनही वाटते नवी ।
शोधतो सारे आकाश मी
तळपतो का तिथे तो रवि ।
आभास सारे मनाचे
तरीही वाटते तूच हवी हवी ।
Sanjay R.

संस्कार

म्हातारपण हे कसे
करते माणसा लाचार ।
सुचेना काही कशाचे
सरतात सारे विचार ।

हात पाय चालेना
हवा काठीचा आधार ।
लेक्रास असे का वाटे
माय बाप ते बेकार ।

पडतो विसर साऱ्याचा
प्रेम माया जणू आटते ।
वृद्धाश्रमी देतो धाडून
काहीच कसेना वाटते ।

आई बापाचे का हे नाते
आला कसा त्यात विकार ।
पडतात सांगा कमी कुठे
की हरले आता हो संस्कार ।
Sanjay R.

बंद डोळ्याआड

बंद डोळ्याआड
आहेत किती स्वप्न ।
मन घेते भरारी
त्यालाच जमत ते जपणं ।
उघड्या डोळ्यांनी बघतो
प्रत्यकाचं इथे खपण ।
ही जमीन ते आकाश
यातच करायचं जगणं ।
Sanjay R.

हवी साथ

मला हवी साथ

देईल कोण हात ।

घालू कुणाशी गाठ

होईल का पहाट ।

Sanjay R.