वृद्धाश्रम

नको वाटते ती वाट
नकोच तिथला थाट ।
जायचे नसते तिकडे
मुलच रचतात घाट ।
नाही बोलायला कोणी
फक्त झोपायला खाट ।
वृद्धाश्रम नकोच कोणा
तुटते नात्याची गाठ
असते नुसती रात्र
सरते जीवनाची पहाट ।
Sanjay R.

साथ

अशी कशी ही साथ
नाही मदतीला हात
आस लावून बसतो मी
आणि होते सप्नांची वाताहात
Sanjay R.

लोभ

आयुष्यभर सोबतीला दुःख
मधे मधे मिळते मात्र सुख ।
हसत खेळत जगतो जीवन
तरी पैशाची थोडी असतेच भूक ।

पैसा पैसा सांगा पुरतो कुठे
लोभा मागे मग लोभ सुटे …।
नसेल जवळ जर पैसा
नाती गोती सारेच सुटे ।
Sanjay R.

अधीर मन

मन होते अधीर
सुचेना मग काही ।
होतात तुझे भास
शोधतो दिशा दाही ।
Sanjay R.

जीव गुंतला

गुंतला जीव माझा तुझ्यात
सांगतो आहे काय मनात
भास होतात सदा तुझेच
रमेना हे मन आता कशात
Sanjay R.