असो दसरा
वा असो दिवाळी ।
दिवस सारखेच
नाही नव्हाळी ।
बाजार कसा
दिसतो फुलून ।
खिसा रिकामा
होतो फिरून ।
दिवे पणत्या
कपडे नवे ।
जो तो म्हणतो
मलाही हवे ।
लाडू करंजी
सोबत चिवडा ।
काय खायचे
तुम्हीच निवडा ।
झकपक झकपक
दिव्यांच्या माळी।
झोपडीत बघा
कशी रात्र काळी ।
Sanjay R.
अजूनही हवी खिडकी
बाहेर बघत बसायचे ।
खिडकी बाजूची जागा
न मिळाल्यास रुसायचे ।
मिळता खिडकी बाजूला
गालात थोडे हसायचे ।
विरंगुळा होतो छान
आरामात बघत बसायचे ।
Sanjay R.
खिडकी मनाची बंद
आतल्या आत धुंद ।
दरवळतो जेव्हा गंध
अनायास होते बेधुंद ।
लागतो मग एक छंद
होतात श्वास मंद ।
आस तुझी मनात
झालो आता अंध ।
नाव तुझे आणि माझे
होईल का येक संध ।
Sanjay R.
प्रवास जीवनाचा
नाही सोपा ।
अडथळे किती इथे
थोडे स्वतःला जपा ।
चार पावले चालता
टोचतो काटा ।
बदलायच्या कश्या
परत परत वाटा ।
कधी ऊन पाऊस
उध्वस्त करतो वारा ।
जगण्यावरही असतो
दुःखाचा पहारा ।
दुखःविना सुख कुठे
रोज होते पहाट ।
विसरून दुःख सारे
मांडायचा थाट ।
Sanjay R.
