क्रोध

विनाशाचे मूळ कारण
आहे फक्त क्रोध ।
करा कितीही शोध
हा एकच आहे बोध ।
Sanjay R.

शिकायला नको वय

शिकायला नको वय
फक्त मनात हवी लय ।
इच्छा हवी शिकण्याची
नक्कीच होतो विजय ।
Sanjay R.

जाऊ कसे दूर

सोडून मी तुला
जाऊ कसे दूर ।
मनाचे कळत नाही
लागते हुर हूर ।

असता तू जवळ
लागतो कसा सुर ।
आठवणीत तुझ्या
येतो डोळ्यात पुर ।

दिसेना तू जराशी
मन होते आतुर ।
वाटतो जमला इथे
का असा हा धूर ।
Sanjay R.

आशेचा हिंदोळा

आशेचा तो हिंदोळा
झुलते मन त्यावर ।
नको त्या आठवणी
अंकुश नसतो मनावर ।
घेते धाव तुजपाशी
थांबेना ते क्षण भर ।
Sanjay R.

मनाची व्यथा

मन सांगते कथा
आहे त्यात व्यथा
द्यावे सोडून सारे
हीच आहे गाथा ।
Sanjay R.