खिडकी मनाची

खिडकी मनाची बंद
आतल्या आत धुंद ।
दरवळतो जेव्हा गंध
अनायास होते बेधुंद ।
लागतो मग एक छंद
होतात श्वास मंद ।
आस तुझी मनात
झालो आता अंध ।
नाव तुझे आणि माझे
होईल का येक संध ।
Sanjay R.

प्रवास जीवनाचा नाही सोपा

प्रवास जीवनाचा
नाही सोपा ।
अडथळे किती इथे
थोडे स्वतःला जपा ।

चार पावले चालता
टोचतो काटा ।
बदलायच्या कश्या
परत परत वाटा ।

कधी ऊन पाऊस
उध्वस्त करतो वारा ।
जगण्यावरही असतो
दुःखाचा पहारा ।

दुखःविना सुख कुठे
रोज होते पहाट ।
विसरून दुःख सारे
मांडायचा थाट ।
Sanjay R.

प्रहार

झेलू किती मी प्रहार
होतात किती वार ।
इकडे बघू की तिकडे
आहेत दिशा इथे चार ।
असह्य होते सारेच
सहन होईना मार ।
जड झाले सारे
उचलू कसा मी भार ।
जिकण्याचा विचार दूर
करतो स्वीकार हार ।
Sanjay R.

तू सुंदरा

सौंदर्यवती तू सुंदरा
काय तुझी ही तऱ्हा ।

रूप अविस्मरणीय हे
हिरवी हिरवी धरा ।

रंगांची उधळण इथे
धुंद गन्ध घेतो फेरा ।

पक्षी गुणगूणती गाणे
वाटे मजला ती स्वरा ।

झुळझुळ वाहे पाणी
मेघ बरसतो जरा जरा ।

निळे निळे आकाश वर
लुकलुकती सूर्य चन्द्र तारा ।
Sanjay R.

अविस्मरणीय सौंदर्य

काश्मीर चे सौंदर्य
अविस्मरणीयच आहे ।
स्वर्गाशी तुलना करता
संशय कुणास नाही ।

हिमालयाच्या रांगा
त्यावर बर्फ पांढरा ।
फुलांच्या बागा सुंदर
वारा थंड बोचरा ।

आकाशातून हिमवर्षा
निसर्ग वाटतो देखणा ।
भारताचे ते नंदनवन
वाटते जावे पुन्हां पुन्हा ।
Sanjay R.