आश्रय

वर आकाश
खाली धरती ।
नाही छत
डोक्यावरती ।

शोधू कुठे मी
आश्रय आता ।
सांग तू रे
तूच विधाता ।

पोटास लागे
अन्न पाणी ।
हातास काम
जीवन कहाणी ।

आश्रयास जरी
आहे ही धरा ।
नशीब ठरविते
आयुष्याचा फेरा ।
Sanjay R.

करवा चौथ

बघू दे चंद्राचे मुख
केला निर्जल उपवास ।
राहवत नाही आता
थांबतील का असेच श्वास ।
जेवणात आहे पंचपक्वान्न
लागला त्यांचाच ध्यास ।
ये ये रे चंद्रा आता
तुझ्या दर्शनाची आहे आस ।
करवा चौथ आहे आज
दिवस आहे किती खास ।
तुझ्या दर्शना शिवाय रे
जाईल कसा पोटात घास ।
Sanjay R.

चांद्रमुखी

शीतल तो चन्द्र
नि तू चंद्रमुखी ।
सूर्य तिथे का
होतो दुःखी ।

तळतळाट का
होतो त्याचा ।
होणार तू
कशी सुखी ।

शांत कोमल
पण अंधारी ।
रात्र जाते
कुणाची चुकी ।

सुर्याविना का
कुठे प्रकाश ।
मात्र तू तर
ती चंद्र मुखी ।
Sanjay R.

चंद्रकोर

सुंदरा तू अप्सरा
तू कोर ग चंद्राची ।
भीर भीर तुझी नजर
अवस्था बघ मनाची ।
Sanjay R.

धर्मवीर

सांगे जगण्याचा एक मार्ग
मीही अनुभवतो त्यात स्वर्ग ।

आहे सुखाची कशात जाण
जाणा आनंदाची जिथेच खाण ।

जो परोपकार करुनिया सारा
तो चमचमतो स्वतः ही तारा ।

न्याय अन्याय जे ज्ञान विज्ञान
त्यासी धर्माचरण करी सज्ञान ।

जाणितो सारेच तत्व जोही
धर्मवीर तो रक्षितो सर्व काही ।
Sanjay R.