स्वप्न छोटे मोठे

स्वप्नांच्या दुनियेत
काय खरे काय खोटे ।
स्वप्न मात्र बघतो मी
छोटे असो वा मोठे ।

कधी दिसतात तिथे
फक्त माती गोटे ।
कधी मी बघतो
माणसं छोटे छोटे ।

स्वप्नांचे मात्र कधी
असतात खूप तोटे ।
संकट येते तेव्हा
खावे लागतात खेटे ।
Sanjay R.

स्वागत दिवाळीचे

संपले नवरात्र

दहन झाले रावणाचे ।

आहेत आत्ता सारे

दिवसच आनंदाचे ।

झाला मस्त दसरा

स्वागत आता दिवाळीचे ।

खिसा जरा सांभाळा

आहेत दिवस खर्चाचे ।

सदरा साडी पॅन्ट सांगा

कुणास काय घ्यायचे ।

फराळ पाणी गिफ्ट सारे

कुणाकुणास वाटायचे ।

बोनस जाईल असाच मग

दागिने कसे घडवायचे ।

गरम होईल वातावरण

सांगा कसे सांभाळायचे ।

Sanjay R.

नको काळजी

वेळ आली की होते सारे
चिंता कशास करतो तू रे ।
नको काळजी आता कशाची
प्रयत्नांपुढे तर दुःखही हारे ।
Sanjay R.

आभाळाची काया

नवरंगाने नटली ही
आभाळाची काया ।
धगधगता सूर्य बघा
सरली त्याची माया ।

वारा गार छेडतो मज
झाले बेभान हे मन ।
पदर थांबेना खांद्यावर
सांग झाकू कसे मी तन ।

कसे सांभाळू मी मज
नजरेत भरला ज्वर ।
दूर सळसळली वीज
आली धावून सर ।
Sanjay R.

वाट तुझी मी पाहते

जन्मोजन्मीचे हे नाते
वाट तुझी मी पाहाते ।
नाही सोसवत रे आता
एकाकी मजसी वाटते ।
ये ना तू परत एकदा
सात जन्माचे कसे हे नाते ।
का गेलास तू सोडून मजला
मीही आता तिथेच येते ।
Sanjay R.