स्त्री देवीचे रूप

कराल स्त्री चा सम्मान
मिळेल तुम्हालाही मान ।
स्त्रीच तर असते
घराघरातली शान ।

स्त्री तर असते देवीचे रूप
अंबा जगदंबा दुर्गा ती ।
कधी रौद्र ,तर कधी कोमळ,
माया,ममता, प्रेमळ तिचे स्वरूप ।
Sanjay R.

रावण दहन

चला करू या आपण
दुष्ट प्रवृत्तीचे दहन ।
विषय हा कुठे हो
आहे इतका गहन ।

दुष्टांचे अत्याचार किती
नाही होत सहन ।
चला करू या आपण
या रक्षसांचे दहन ।

फायदा उचलून तुमचा
सत्कार्याचा होतो अपमान ।
कोण आहे इथे सांगा हो
मिळेल का कोणी महान ।
Sanjay R.

तीन बंदर

बापू तुमचे तीन बंदर
गेले सांगून किती सुंदर ।

एकाचा हात कानावर
म्हणतो वाईट ऐकू नका ।

दुसऱ्याच हात तोंडावर
म्हणतो तो वाईट बोलू नका ।

तिसऱ्याचा हात डोळ्यावर
तो म्हणतो वाईट बघू नका ।

किती अर्थपूर्ण हे चित्र
आहे संदेश हा जीवनाचा ।

केले जर हे पालन सारे
नक्कीच सुख लाभेल प्रत्येकाला ।

Sanjay R.

सांगतो मी खरे खरे

सत्य एक विचार
पाळतो कोण आचार ।
असत्याचा बोलबाला
सत्यच होते लाचार ।

बापू तुमची अहिंसा
नाही तिला आधार ।
जातील किती बळी
लावतात ते धार ।

सस्वावलंबाची शिकवण
विसरतो ती आठवण ।
लोभ होतो विजयी
पैशासाठी काहीपण ।

स्वच्छतेचा रटला पाढा
कचऱ्यातच वाटते बरे ।
विसरलो विचार तुमचे
सांगतो मी खरे खरे ।
Sanjay R.

रंग प्रेमाचा

विचारांच्या सागरातून
निघते जेव्हा याद ।
अंतरात होते स्पंदन
नी मन देते साद ।

नभातून डोकावण्यास
मिळे चंद्रास वाट ।
चंद्र चांदणीची गगनात
होते मग गाठ ।

चाले खेळ प्रेमाचा
उधळतात रंग ।
मनमोहिनी रजनी तिला
काळोखाचा संग ।
Sanjay R.