प्रेमकथा

प्रेमाची कुठे कथा
ती तर फक्त व्यथा ।
लिहायला घेतली तर
होईल मोठ्ठी गाथा ।
फक्त सहन करायचे
हीच तर आहे प्रथा ।
बंड कुणाचं चालतं
फुटतो त्यात माथा ।
शांती हवी थोडी
सांगतो जाता जाता ।
Sanjay R.

गडबड

उरले कुठे गुपित
झाले सारेच उघड
झाला कसा घोटाळा
जीभ करते बडबड ।
थोडाश्याने होते मग
सगळीच हो गडबड ।
Sanjay R.

बदला

मैत्रीत कशाचा बदला
निघतो मार्ग मधला ।
एक पाऊल मागे पुढे
वादच तिथे सम्पला ।
Sanjay R.

वादा

बेचैन झाले मन
बघून तुझी ती अदा ।
बघ वळून जरा
करू नकोस मन तू जुदा ।
नकळत जाणलं मी
आपण व्हावं एक सदा ।
मनाने कौल केव्हाच दिला
कळेल तुला हा माझा वादा ।
Sanjay R.

गंध जुना

तुझ्या विना कसा हा
एक एक क्षण जाईना ।
येते तुझीच आठवण
कळेल का मनाची दैना ।

सारखं वाटतं भेटावं
शोधते नजर तुला ।
परतून तू ये जरा
सोसवेना विरह मला ।

रोज बघते जाऊन तिथे
शोधते तुझ्या पाऊल खुणा ।
तेच फुल तोच गुलाब
मात्र हरवला गंध जुना ।
Sanjay R.