बघताच तुला
मन भटकलं ।
नजरेत तुझ्या
मला बघितलं ।
विचारांच भूत
डोक्यात शिरलं ।
विचार तुझेच
मनही हरलं ।
प्रेमाची ती आस
तुझेच आभास ।
विसरलो कसा
माझाच मी श्वास ।
ओढ आता तुझी
शोधतो तुलाच ।
हरवली कुठे
छळते स्वप्नात ।
बघू किती वाट
छळू नको अशी ।
जाऊ चल दूर
देईल मी खुशी ।
Sanjay R.
सांगू मी कोण काय
जीवन एक अध्याय
जन्म होताच म्हणतात
पाळण्यात दिसतात पाय ।
एकेक परत जाते निघत
जीवन दुधावरची साय ।
बाल्य तारुण्य गृहस्थ वृद्ध
जीवनात मिळते एकच माय ।
खेळ अभ्यास सरते जेव्हा
पैशासाठी कष्ट हाय हाय ।
वृद्धत्व तर कठीण फार
दिवस रात्र मोजण्यात जाय ।
नकळत मग येतो दिवस
तोवर सारेच करा ट्राय ।
Sanjay R.
कसे कसे ते दिवस
कशातच नव्हता रस ।
एकाकी होते जीवन
मन असायचे नर्व्हस ।
गाठभेट कुठे कुणाशी
भीतीचा होता आभास ।
सहन नव्हते होत काही
मोजायचे नुसते श्वास ।
सुन्न व्हायचे डोके
कशावर नव्हता विश्वास ।
कढाच वाटायचे अमृत
अडकायचे तोंडात घास ।
नको परत ते तसे दिवस
जगण्यात होता कुठे रस ।
हसतो खेळतो आता सारे
गुलाबाने फुलाला परस ।
Sanjay R....
परत नको त्या आठवणी
नकोच परत ते तसे दिवस ।
माणसांची दिसली बहु रूपे
दुखाचाच होता तो प्रवास ।
घरात होते बंद सारेच
माणसाला माणसाचा ध्यास ।
शिकलो सारेच आम्ही
दुःखात सुखाचा होता प्रयास ।
Sanjay R....
वाटे थोडा गार गार
वाहतो कसा वारा ।
दर्शन नाही सूर्याचे
पडला त्याचा पारा ।
झाकले आभाळ सारे
उठे कळ्या ढगांचा नारा ।
गगनात चमचमते वीज
गडगडाट देतो इशारा ।
झमाझम पडतो पाऊस
ओंजळीत मावेना धारा ।
Sanjay R.
