आठवण

आठवण होते जेव्हा
असतेस तूच मनात ।
शोधतो मी जेव्हा
जातेस कुठे क्षणात ।

तुझ्या सोबत मजला
शब्द ही देतात याद ।
तस्वीर तुझी नेत्रात नि
मन मनाला देते साद ।

दे छंद तुझा मजला
आठवणीत तूच हवी ।
होताच आठवण तुझी
दिसावी तुझीच छवी ।
Sanjay R....

डाव

बोलू नको काही
सगळेच आहे ठाव ।
शब्दच देऊन गेले
हृदयावर माझ्या घाव ।
साधा सरळ मी
कशास रचेल डाव ।
कधीच नव्हती मला
काही कशाची हाव ।
Sanjay R....

म्हातारपण

नको वाटते म्हातारपण
तारुण्यच हवं मला ।
जसा आहे तसाच मी
आहे असाच मी भला ।

म्हातारपण आलं की
लागते नुसतं दुखणं ।
बिछान्यावर पडून चाले
वाट मरणाची बघणं ।

नकोच अस म्हातारपण
तरुणच राहू दे मला ।
माझं मीच करील सारं
त्रास नसेल कुणाला ।

म्हातारपण कठीण किती
नसतो कुणी बोलायला ।
टाकाऊ जशी वस्तूच ती
वाट बघतात दूर सारायला ।
Sanjay R.....

जन्म वाटतो अपुरा

जन्म वाटतो हा अपुरा
हवा पुनर्जन्म मजला ।
केलेच काय या जन्मी
नाही मनात दिवस सजला ।

काय करू नि काय नको
कळेना काहीच मजला ।
अजून आहे बरेच बाकी
सांगू कसे मी तुजला ।

करण्या अपुरा रे हा जन्म
परत हवा एक जन्म मजला ।
उरले सुरले करील तेव्हा
पुनर्जन्म मी मागतो तुजला ।
Sanjay R....

पुनर्जन्म

दिवसामागून दिवस गेले
कळलेच कसे नाही ।
वर्षच आता किती उरले
तेही कळत नाही ।
किती अजून करायचं बाकी
काहीच तर केलं नाही ।
वाटतं सरू नयेत हे दिवस आता
लवकर मज मरायचं नाही ।
नसेलच जमत तर दे पुनर्जन्म
देवा मन अजून भरलं नाही ।
Sanjay R....