हवं हवं जे वाटे
असू दे वाटेत काटे ।
झेलील त्रास सारा
प्रेमाचा संथ वारा ।
मनात सदा ओढ
नाही त्यावर तोड ।
मिळे नजरेला नजर
डोळ्यात दिसे असर ।
मन मनालाच छळी
भेट होता खुलते कळी ।
प्रेम आहे ज्याचे नाव
सुख दुःख त्यासी ठाव ।
प्रेम हेच आहे जगणे
प्रेमाचे प्रेमाला मागणे ।
Sanjay R....
रंग प्रेमाचा कसा
मिळेल ज्यात तसा ।
थोडे डोळ्यात बघा
थोडे गालात हसा ।
मऊ मऊ वाटे जसे
हळूच बघतो ससा ।
नको प्रेमाची परीक्षा
आनंदी सदाच असा ।
Sanjay R...
नाही कुठली परीक्षा
प्रेमाविना जग सुने ।
प्रेम आईचे बळावर
त्यात होते काय उणे ।
पशु पक्षी जीव सजीव
सारेच तर प्रेम जाणे ।
प्रेमाविना तर जीवनाचे
कसे सुने वाटे गाणे ।
Sanjay R.
मार्ग हा प्रेमाचा
नाही साधा सरळ ।
दिले तेवढे मिळेल
नाहीतर मनाचा छळ ।
वाटेवर काटे अती
दयावी लागे परीक्षा ।
तुटतो बंध जेव्हा
वाटे हीच ती शिक्षा ।
Sanjay R.
होतील पूर्ण सारे
स्वप्नांना हवेत पंख ।
पोचता शिखरावर
वाजतो मग शंख ।
प्रयत्न हवेत थोडे
कोण राजा कोण रंक ।
नशीब ही फिरेल मग
यशाला अपयशाचा डंख ।
Sanjay R.
