मार्ग भक्तीचा

नाम घेऊ भगवंताचे
कर्म सारे जगण्याचे
आशा मनी उपजते
होते कल्याण जगताचे

भाव भक्तीचा सागर
भरते पुंण्याची घागर ।
मग्न भक्तिरसात सारे
चाले श्रद्धेचा जागर ।

कुठे कशाची शक्ती
चाले कुनाची युक्ती ।
कर्ता करविता तोच
सदा करू या भक्ती ।
Sanjay R....

आयत्या बिळात नागोबा

म्हणच आहे हो तशी
आयत्या बिळात नागोबा ।
दिवसभर असतो पसरून
फणकारतो कसा जागोबा ।
Sanjay R...

प्रेमाचे मागणे

हवं हवं जे वाटे
असू दे वाटेत काटे ।

झेलील त्रास सारा
प्रेमाचा संथ वारा ।

मनात सदा ओढ
नाही त्यावर तोड ।

मिळे नजरेला नजर
डोळ्यात दिसे असर ।

मन मनालाच छळी
भेट होता खुलते कळी ।

प्रेम आहे ज्याचे नाव
सुख दुःख त्यासी ठाव ।

प्रेम हेच आहे जगणे
प्रेमाचे प्रेमाला मागणे ।
Sanjay R....

रंग प्रेमाचा कसा

रंग प्रेमाचा कसा
मिळेल ज्यात तसा ।
थोडे डोळ्यात बघा
थोडे गालात हसा ।
मऊ मऊ वाटे जसे
हळूच बघतो ससा ।
नको प्रेमाची परीक्षा
आनंदी सदाच असा ।
Sanjay R...

प्रेमाविना जग सुने

नाही कुठली परीक्षा
प्रेमाविना जग सुने ।
प्रेम आईचे बळावर
त्यात होते काय उणे ।
पशु पक्षी जीव सजीव
सारेच तर प्रेम जाणे ।
प्रेमाविना तर जीवनाचे
कसे सुने वाटे गाणे  ।
Sanjay R.