प्रेमाविना जग सुने

नाही कुठली परीक्षा
प्रेमाविना जग सुने ।
प्रेम आईचे बळावर
त्यात होते काय उणे ।
पशु पक्षी जीव सजीव
सारेच तर प्रेम जाणे ।
प्रेमाविना तर जीवनाचे
कसे सुने वाटे गाणे  ।
Sanjay R.

प्रेम परीक्षा

मार्ग हा प्रेमाचा
नाही साधा सरळ ।
दिले तेवढे मिळेल
नाहीतर मनाचा छळ ।

वाटेवर काटे अती
दयावी लागे परीक्षा ।
तुटतो बंध जेव्हा
वाटे हीच ती शिक्षा ।
Sanjay R.

स्वप्नांना पंख

होतील पूर्ण सारे
स्वप्नांना हवेत पंख ।
पोचता शिखरावर
वाजतो मग शंख ।
प्रयत्न हवेत थोडे
कोण राजा कोण रंक ।
नशीब ही फिरेल मग
यशाला अपयशाचा डंख ।
Sanjay R.

दुनियादारी

थोडी हुशारी
थोडी कलाकारी
विना मारा मारी
जिंकली बारी
ज्यास देव तारी
त्यास कोण मारी
घडते वारी नी
पडते मग भारी
हीच दुनियादारी
Sanjay R.

आला ऊन वारा

आला ऊन वारा
कधी पाऊस धारा ।
गरजते आभाळ
वीज करते इशारा ।
थुई थुई नाचे मोर
फुलउन पिसारा ।
डोलते कसे झाड
अनोखा तो नजारा ।
भिजून दिसे कशी
चिंब चिंब ही धरा ।
सरते सूर्याची लाली
काळोख देतो पहारा
सारे सोडून मग येतो
चंद्रा सोबतीला तारा ।
Sanjay R.