सोनूली

आली घरात तानुली
सुंदर किती सोनूली ।
घर भरले आनंदाने
गुणाची किती बाहुली ।
Sanjay R.

याद

तुझे याद मै करू
और तू ना आये ।
धुंडता हु अब मै
बिखरी हुयी साये ।
Sanjay R.

हरपले भान

सावरू कसे या मनाला
हरपले भान या क्षणाला ।
काळजात प्रहार प्रेमाचा
पाहते वाट का कशाला ।
Sanjay R.

तुटका निवारा

झुळझुळ वाहतो वारा
झाडासंगे हाले पसारा
सरसरून आल्या धारा
जो तो मग शोधी निवारा
मिळतो कुठे कसा सहारा
वादळाचाच होता इशारा
तुटून पडला सक्त पहारा
तोडून मोडून गेल्या धारा
खट्याळ किती होता वारा
गेला घेऊन तुटका निवारा
Sanjay R.

भिजले मन तयात

मन करते धावा
कुठे त्यास विसावा ।
रंग चढला प्रेमाचा
वाजतो हृदयात पावा ।

मन झाले बेभान
सूर टिपती कान ।
बघ वळून जरा
फिरव थोडी मान ।

नजरेस लागली नजर
थेंब पावसाचे सर सर ।
भिजले मन तयात
पडला साराच विसर ।

फुल सुगन्ध झाले
केसात थोडे विसावले ।
नाही कशाचे भान
श्वासही मंद झाले ।

रात्र बहरून आली
चांदणी झाली ओली
चन्द्र ढगाआड गेला
पहाट परतून आली ।
Sanjay R.