कुठे कुणाचा मान
होतो कुठे सन्मान ।
मोठेपणाचा आव
मारतोय फक्त शान ।
विचार सारे सरले
सारेच विसरलो भान ।
पुस्तकांचे चाले पठण
नाही संस्कारांचे ज्ञान ।
असा कसा टिकेल हो
सांगा तुमचा स्वाभिमान ।
मोठेपणा विसरा थोडा
होऊन जरासे लहान ।
मिळेल ते हवे सारेच
झळकेल उंच निशान ।
Sanjay R.
देतो आज मी तुज शुभेच्छा
होऊ दे पूर्ण साऱ्या आकांक्षा ।
असतील नसतील त्या इच्छा
नसेल कधी कशाची प्रतीक्षा ।
शत शत आयुष्य तुज लाभू दे
नांदो सदा आनंद ही सदिच्छा ।
Sanjay R.
प्रकरण होते गंभीर
सगळेच त्यात ऍक्टिव्ह ।
जो तो दाखवतो कसब
म्हणतो मी डिटेक्टिव्ह ।
Sanjay R.
साहित्याची तर लागेल वाट
विकृतांनी हो रचला घाट ।
बरा नाही हा असला थाट
वाचक हो तुम्ही दाखवा पाठ ।
तोडा आता ही अश्लील गाठ
नका होऊ तुम्ही ही माठ ।
विरोधात व्हा एकदम ताठ
शिकवा आता तुम्हीच पाठ ।
Sanjay R.
