रंग कसा या जीवनाचा
गन्ध त्यात भावनांचा ।
क्रोधाला नाही माया
सोबत असते सदा छाया ।
शब्दातून शब्द येतात
घायाळ मन करून जातात ।
चेहऱ्यावरती भाव कसे
राग क्षणात उठून दिसे ।
रूप नको ते तसे मजला
हास्य हवे ते देईल तुजला ।
हृदयावरती बंधन कुठले
होऊन आनंद सारे सुटले ।
Sanjay R.
रातराणी ती कोण
करते कशी चमचम ।
दडली का ढगाआड
बरसतो पाऊस झमझम ।
शुक्राची ती चांदणी
लोपला तिचा दम ।
चंद्रही हिरमुसला
डोळे त्याचे नम ।
Sanjay R.
दरवळतो सुगन्ध
बहरते रात राणी ।
धुंद होते रात्र
गाली हसते चांदणी ।
चन्द्र देतो पहारा
रजनी गाते गाणी ।
सकाळ होता ऐकायची
सूर्याची कहाणी ।
Sanjay R.
जीवनात नाही मजा
वाटते भोगतो मी सजा ।
कळेना करू मी काय
नेहमीच वाजतो बाजा ।
सुचतच नाही काही
डोक्यात चमकतात विजा ।
हसतो मीच मला आणि
लुटतात इतराच मजा ।
आत्म कथा विदूषकाची
काय काय करू वजा ।
Sanjay R.
